櫻花盛開, 賞花影相推介-陽明山平菁街42巷2013

好難想像1月份d櫻花可以開成咁，早幾日下晝好晏先去到陽明山嘅平菁街，櫻花開左8成，我其實唔係好識分櫻花種類，只認得有山櫻花、富士櫻…＞~＜不過呢個唔係重點，重點係呢度真係好靚好靚。學影相一年，第一次企左響度（未學影相之前亦發生過一次，果次太震撼，亦令我的起心肝去學影相，搵日的起心肝寫番篇about再講)，企左響度嘅原因第一係因為太晏3點幾4點先到，好快會天黑(結果5點3左右天黑齊)；第二係因為d花好靚，但同時有好多人,實在有d混亂，有d唔知到從何入手嘅感覺，我之前好似冇提過，其實我係一個構圖白痴，只係對顏色敏感，所以呢次真係…大鑊＞~＜亦因為咁，明明一個山頭嘅櫻花，我影相嘅腳程範圍只係3、4分鐘，最後就喺呢3、4分鐘腳程嘅地方影左個零鐘，由天光影到天黑，雖然天敵1同2號都響度，但呢一日最大嘅敵人係自己＞~＜好想強調，呢度堅靚，應該頂倒過年，有時間的話可以去行番一轉^^

P.S. 每次見到早左咁多開嘅櫻花都會令我諗起地球先生，要為地球生態好好祈禱！

地點: 台灣台北市士林區平菁街42巷 (相片攝於禾豐農園, 客官農場一帶, 地圖)
交通:捷運士林站/劍潭站 (客運303-倫仔尾站, 留意車期, 好耐一班車)

再訪文章：祝大家花開富貴 ﹣再訪陽明山平菁街櫻花2013