台北牛肉麵節2012剛響12月頭舉行，除左可以食倒10蚊兜（約港幣$1x)牛肉麵同埋歷屆得獎嘅冠軍牛肉麵之外，同場有每年一度嘅牛肉麵比賽，對於賣牛肉麵嘅店家黎講，係一年一度好緊要嘅日子，因為如果能成為牛肉麵冠軍, 佢本人嘅知名度與及舖頭嘅生意都會爆升。比賽果兩日，同老友去左台中影相，所以冇去到湊熱鬧。
知道紅燒組冠軍係「皇家傳承牛肉麵」廚師陳家斌，早幾日推出左佢嘅冠軍麵，所以擒日趁空檔時間去左佢坐陣果間店(新海店)食左個late lunch。冠軍麵叫「崴正四方」，係因為佢今年八月生左個仔叫「正崴」而改，象徵以父愛用心烹調的牛肉麵，雖然我完全唔明個名同父愛嘅關係，但個名都幾型丫，之不過個「崴」字國語應該點發音, 係咪同威字一樣＞~＜
結論係，去到舖頭根本就只係需要話食冠軍麵就得！個麵上面有四塊牛腱心，原以為係平時要用力咬嘅紅燒牛肉麵，點之舊牛腱炆到好林只保留小小咬口，d肉好嫩好入味，配合埋粗身有咬口嘅麵條(家常)，加上熬左幾日嘅牛骨紅燒高湯，小d心機同技術都唔O，都真係抵佢攞獎（仲要個廚攞左幾次獎）鍾意食牛肉麵嘅朋友，有時間記得棒場（年底前送小菜一碟）!
補充（2月23日）：我擒日去機場分店食呢個冠軍麵難食到爆！搵日要番新海店試過，如果都係咁難食會從新改文！！！
P.S. 清燉組同埋創意米食組嘅冠軍麵仲未推出，期待中^^
新海店:新北市板橋區新海路134號 地圖 電話 /(02)8258-5388
土城店:新北市土城區學府路一段235號 地圖 電話 /(02)8261-1122
農安店:台北市農安街231號 地圖 電話 /(02)2501-7078
重慶店:新北市板橋區重慶路220-1號 地圖 電話 /(02) 2956-3718
微風台北車站店: 中正區北平西路3號2樓(微風廣場)地圖 電話 /(02) 6600-8999 # 2524
紅燒組冠軍麵-崴正四方
送果碟小菜都好有水準^^
陳家斌主廚的皇家傳承新海店
除左紅燒組冠軍外, 皇家承傳都拎左佢創意米食組亞軍
芥菜子的足跡@台灣 